08.யோக வாழ்க்கை விளக்கம் V

யோக வாழ்க்கை விளக்கம் V

                                                 (சென்ற இதழின் தொடர்ச்சி....)                       கர்மயோகி

851) நாட்டில் செல்வர் சிலர் ஒரு புது ஃபாஷனை ஏற்றுக் கொண்டால், அது சீக்கிரம் நாடு முழுவதும் பரவுவது, பகவான் 12 பேர்கள் சத்தியஜீவியத்தைப் பெற்றால் பூமியே மாறிவிடும்என்பதுபோலுள்ளது.

உலகம் என்பது 12 உயர்ந்தோர்மாட்டே.

. நாட்டில் ஃபாஷன் பரவுவது அதிவேகம். அந்த வேகத்திற்கு இணையில்லை.

.அரசன் எவ்வழி, குடிமக்கள் அவ்வழிஎன அரசன் செய்ததை உலகம் செய்தது.

. அது அதிகாரம். இன்றுவரை அது ஏதோ ஓரளவில் தொடர்கிறது.

. அதிகாரம்என்ற பதவி, இடம் மாறி பணத்திற்கு அந்த மரியாதை வந்தது.

. அதிலிருந்து பணக்காரன் செய்வதை உலகம் செய்ய ஆரம்பித்தது.

. நம் நாட்டில் துறவிக்கும் அந்த உயர்வு இருந்தது.

. அதனால் துறவியைப் போல் உயர்ந்த மக்கள் - அரசன் உள்பட - சில அம்சங்களில் வாழ ஆரம்பித்தனர்.

. அரசன் உள்பட துறவியைப்போல் நீறு பூசினர். தாழ்ந்த குரலில் பேசினர்.

. மெதுவாக நடந்தனர். இருந்த இடத்தைவிட்டு வெளியே போக மறுத்தனர்.

. எளியவாழ்வை நடத்தினர்.

. சமூகம் பணக்காரனை உயர்வாகக் கருதி, அவனைப்போல் நடையுடை பாவனையை ஏற்றது.

. ஆங்கிலேய ஆட்சியில் இலண்டனுக்குப் போவது, கோட்சூட் போட்டுக் கொள்வது, இலண்டனில் பிள்ளைகளைப் படிக்கவைப்பது, காப்பி சாப்பிடுவது, கிராப் வெட்டிக்கொள்வது உயர்ந்ததாக நாடு முழுவதும் பரவியது.

. இன்று பணக்கார நாடான அமெரிக்கா உலகத்தலைவனாக விளங்குவதால், உலகெங்கும் அமெரிக்க நாகரீகம் பரவுகிறது.

. சத்தியம் உயர்ந்தது; கர்மத்தை வெல்லவேண்டும்; வாழ்வின் பிடியிலிருந்து விடுபடவேண்டும்; ஆன்மா வெளிவரவேண்டும்; ஆன்மா ஜடத்தை ஆளவேண்டும்; வாழ்வில் நோய், துன்பம் கூடாது; என்பவை உயர்ந்தவையாகக் கருதப்படவில்லை. அப்படி வாழ்பவரில்லை. அப்படி 12பேரிருந்தால் மரணத்தையும் வெல்லலாம். பொய்ம்மை அழியும். அவரை உலகம் உயர்ந்தவராகக் கருதினால் உலகம் எளிதில் அவர்களைப் பின்பற்றும்.

. உலகம் மரணத்தை வெல்ல உயர்ந்தோர் 100 பேர்கள் முன்வந்தால் அல்லது 12 பேர்களாவது முன்வந்தால், உலகம் அவர்களை ஏற்கும்.

. உலகம் அவர்களை ஏற்க, உலகம் அவர்களை ஏற்கும் தகுதிபெற்றவராக இருக்கவேண்டும்.

. உயர்ந்தோரை உலகம் ஏற்கும்.

. உயர்ந்தோர் பகவானை ஏற்றால், உலகம் ஸ்ரீ அரவிந்தரை ஏற்கும்.

*******

852. சிந்திக்காமல் புரிவது மனத்தின் உயர்வானால், உணர்வுக்கு அது போன்றது எது என அறிந்து செய்தால், உணர்வு முனிவர் மனத்தைப் பெறும். உணர்வு வெளிப்படையாகச் செயல்படாமல் சாதிப்பது அதுபோன்றது.

சலனமற்ற உணர்வு முனிவருக்குரியது.

. மேடைப்பேச்சாளர் கடுமையான கேள்விக்கு யோசனை செய்ய நேரமில்லாமல் கூறிய பதில் அவரை அன்று முதல் பெரிய மனிதனாக்கியது.

. பேச்சாளர்கள் பல கேள்விகட்குப் பதில் தயாராக வைத்து இருப்பார்கள்.

. எதிர்பாராத கேள்வி பேச்சாளரை மடக்கிவிடும்.

. கேள்விக்குப் பதில் சொல்லுமுன் சிந்திக்க நேரமிருக்காது.

. பொதுவாகச் சிந்திக்காமல் சொல்லும் பதில் சிக்கலில் முடியும்.

. சிந்திக்க நேரமில்லாவிட்டாலும், நிதானமாகப் பதில் சொன்னால் பதில் சிந்தித்துச் சொல்லக் கூடியதைவிட உயர்வாக அமையும்.

. நிதானம் ஆன்மாவைச் செயல்படச் செய்கிறது.

. ஆன்மா மனம்வழி செயல்படுவதால் ஏற்படும் பெருநிகழ்ச்சியிது.

. ஆன்மா உணர்வு வழி செயல்படுவது அதனினும் பெரியது என்பதால்,

இந்நிலையை எட்டியவர் அடுத்த உணர்வு நிலையையும் எட்ட முயலலாம்.

. 15 வயது பையன் அரசியல் கூட்டத்தில் 17 வயதுப் பையனைக் கண்டான். அவனுடைய வசீகரம் கவர்ந்தது. யார் என விசாரித்தான். எங்கிருப்பதாகக் கேட்டான். ஏன் என் வீட்டுக்குப் பக்கத்தில் குடி வரக்கூடாது என்றான். அவனும் ஏற்றான். அது 30 ஆண்டு நட்பாயிற்று.

. உணர்ச்சி நிறைந்த நேரம் சிந்திக்க முடியாது.

. அப்பொழுது எடுத்த முடிவு நெடுநாள் நிலைப்பதை வாழ்வில் காணலாம்.

. வாழ்வில் நெடுநாள் நீடிக்கும் முடிவை எடுக்க உணர்வால் நிறைந்த நேரம் சரியான நேரம்.

. முனிவருக்குரியது மௌனம்.

. உணர்வுக்கும் மௌனமுண்டு.

. அது சிந்தனைக்குரிய மௌனத்தை விட உயர்ந்தது.

. அம்மௌனம் முனிவர் முதிர்ந்து ரிஷியாகும் மௌனம்.

. சத்தியஜீவிய மௌனம் உடலுணர்வுக்குரியது.

. அதுவே மௌனத்தின் சிகரம்.

. அம்மௌனத்தைப் பெற்றவரால் மற்ற ரிஷிகளைப்போல் சபிக்க முடியாது.

. மனிதநிலை தாழ்ந்ததானாலும், எந்த உயர்ந்த நிலையும் மின்னல்போல் அவனுக்குச் சித்திப்பதுண்டு.

. சிந்தனையையும், உணர்வையும் கடந்த மௌனம் வாழ்வை நெறிப்படுத்த வல்லது.

தொடரும்.....

*******

ஜீவிய மணி முனையில் முழுவதும் தெரியும்.