03. தவறான அபிப்பிராயங்களும் உண்மையான நிலைப்பாடுகளும்
தவறான அபிப்பிராயங்களும் உண்மையான நிலைப்பாடுகளும்
N.அசோகன்
வ.எண் | தவறான அபிப்பிராயங்கள் | உண்மையான நிலைப்பாடுகள் |
1. | முன்னேற்றத்திற்கு பணம் தான் முக்கியக் கருவி. | பணம் முக்கியக் கருவியில்லை. முன்னேற வேண்டும் என்ற ஆர்வம்தான் முன்னேற்றத்திற்கு முக்கியக் கருவி. |
2. | சிவப்பான தோற்றமுடைய பெண் அழகான பெண். | தோலின் நிறம் மட்டும் அழகை நிர்ணயிப்பதில்லை. முக லட்சணமும் முக்கியம். சிவப்பான நிறம் கொண்ட பெண்ணிற்கு முக லட்சணம் குறைவாகவும், கருமையான நிறம் கொண்ட பெண்ணிற்கு முகம் லட்சணமாகவும் இருக்கலாம். |
3. | பட்டம் அறிவிற்கு அறிகுறி. உயர்ந்த பட்டம் வாங்கி இருந்தால் உயர்ந்த அறிவு இருப்பதாக அர்த்தம். வெளித் தோற்றமும், உள்சாரமும் என்றுமே ஒத்திருக்கும். | பட்டமும், அறிவும் இரண்டும் ஒன்றில்லை. அம்மாதிரியே தோற்றமும், சாரமும் ஒன்றில்லை. சாரம் இல்லாமல் தோற்றம் அமையலாம். அதுபோலவே தோற்றம் இல்லாமல் சாரமும் அமையலாம். |
4. | இனிய பழக்க வழக்கங்களைக் கொண்டவர்கள் நல்லவர்கள். | இனிய பழக்கவழக்கங்களை மட்டும் வைத்து ஒருவர் நல்லவர் என்று சொல்ல முடியாது. தீய குணம் படைத்த ஒருவர் போலியாக நல்ல பழக்கவழக்கங்களை மேற்கொண்டு தம் தீய குணத்தை மறைக்கலாம். |
5. | கணவனும், மனைவியும் சமமாகப் பழகலாம். | நடைமுறையில் இப்படிச் சமமாகப் பழகுவது கடினம். ஒருவர் அதிகாரம் செய்ய மற்றவர் பணிந்து போவதுதான் வழக்கம். |
6. | பொய்மை நிறைந்த இந்த உலகத்தில் உண்மையாக வாழ்தல் கடினம். | அன்னை பக்தராக இருப்பவர் உண்மையை அடிப்படையாக வைத்து வாழ்ந்து, வாழ்க்கையில் வெற்றி பெறலாம். |
7. | பிள்ளைகளுக்கு சுதந்திரம் கொடுத்தால் அவர்கள் கெட்டுப் போய்விடுவார்கள். | சுதந்திரமான சூழலில் வளரும்போதுதான் குழந்தைகளுடைய பர்ஸனாலிட்டி மலர்கிறது. |
8. | நமக்கு வேண்டியதை நாம் கேட்கும் பொழுதுதான் அவை நமக்குக் கிடைக்கின்றன. | நாம் மௌன சக்தியைக் கடைப்பிடிக்கும்பொழுது நாம் கேட்டுப் பெறுவதைவிட நமக்கு அதிகமாகக் கிடைக்கும். |
9. | பண பலமும், பதவி பலமும் மற்றும் சமூக அந்தஸ்து ஆகியவை நமக்கு எதையும் பெற்றுத் தரும். | இவை எதுவும் செயல்படாத நேரங்கள் உண்டு. அப்பொழுது அருளால் மட்டுமே நமக்கு உதவ முடியும். |
10. | அதிகாரத்தைப் பயன்படுத்தினால் தான் வேலை வாங்க முடியும். | அதிகாரத்தைச் செலுத்தாமலேயே அன்பான தலைமையை வெளிப்படுத்தியே அதிக வேலை வாங்க முடியும். |
11. | செல்வ வளம் சந்தோஷத்தைப் பெற்றுத்தரும். | செல்வ வளம் வசதியைப் பெற்றுத் தருமேயொழிய சந்தோஷத்திற்கு உத்திரவாதம் கொடுக்க முடியாது. |
12. | ஒருவர் அவருடைய வாழ்க்கை இலட்சியத்தை எட்டிய பின்பு ஓய்வெடுத்துக் கொள்ளலாம். | வாழ்க்கை எவரையும் ஓய்வெடுத்துக் கொள்ள அனுமதிப்பதில்லை. ஒன்று நாம் முன்னேறிக்கொண்டிருக்கலாம் அல்லது கீழே போய்க் கொண்டிருக்கலாம். |
13. | வாழ்க்கை பாதுகாப்பை நாடுகிறது. | பாதுகாப்பைவிட துணிச்சலாக சாகசம் புரிவதையே வாழ்க்கை நாடுகிறது. |
14. | எப்பொழுதும் எல்லோருக்கும் உதவி செய்வது நல்லது. | தராதரம் பார்த்து நாம் உதவி செய்ய வேண்டும். உதவி பெறுபவர்களுக்குத் தாழ்வு மனப்பான்மை வருவதால் அதன் விளைவாக உதவி செய்பவர்களுக்கே தீங்கு செய்யும் அளவிற்குப் பண்பாடற்ற மனநிலையில் பலர் உள்ளதால் தராதரம் பார்த்துதான் உதவி செய்ய வேண்டும். |
15. | பணத்திற்கு முதலிடம். மற்ற எல்லாவற்றிற்கும் இரண்டாவது இடம். | மனிதர்களுக்கு முதலிடம். மற்ற எல்லாவற்றிற்கும் இரண்டாவது இடம். |
16. | முயற்சியின் தொடக்கத்தில் கெட்ட சகுனங்கள் வந்தால் வேலை கெட்டுவிடும். | சகுனங்கள் வெறும் அறிகுறிகள்தான். நம்முடைய மனோபாவங்களை மாற்றிக் கொண்டால் தோல்வியைத் தவிர்க்கலாம். |
17. | ஆண்கள்தான் பெண்களைத் தேடுகிறார்கள். | பெண்கள்தான் பெரும்பாலும் முதலில் ஆடவர்களின் கவனத்தைக் கவர்ந்து இழுக்கும் வண்ணம் செயல்படுகிறார்கள் என்பதும் உண்மை. |
18. | வாழ்க்கையில் சரிவு நிகழ்ந்துவிட்டால் மீண்டும் எழுவது கடினம். | அன்னை பக்தர்களுக்கு போதுமான நம்பிக்கை இருந்தால் சரிவிலிருந்து மீண்டு மற்றவர்களையும் குறுகிய காலத்தில் தாண்டியே செல்லலாம். |
19. | நம்மைச் சுற்றி உள்ளவர்களை சந்தோஷப்படுத்தினால் அவர்களுடைய அன்பும், ஆதரவும் கிடைக்கும். | மனிதனுடைய ஆசைக்கு அளவில்லை. ஆகையால் யாரையும் பூரணமாக திருப்திபடுத்த முடியாது. |
20. | சரளமாக ஆங்கிலம் பேசுவது புத்திசாலிதனத்திற்கு அறிகுறியாகும். | சரளமாக ஆங்கிலம் பேசுவது மொழித் திறமையைக் காட்டுகிறதே தவிர புத்திசாலித்தனத்திற்கு அடையாளம் என்று வைத்துக்கொள்ள முடியாது. |
21. | புலன்கள் வழங்கும் அறிவு சரியானது. அதுவே இறுதியானதும்கூட. | புலனறிவு முதல் அனுபவமேதவிர, அதுவே இறுதியானதில்லை. பகுத்தறிவாலும், உள்ளெழுச்சியாலும் உணர்த்தப்படும் அறிவு புலன்கள் தெரிவிப்பதைவிட வேறுபட்டிருக்கும். |
22. | வாழ்க்கையில் குறுக்கு வழிகளில் வேகமாக முன்னேறலாம். | குறுக்கு வழிகளில் கிடைக்கின்ற ஆதாயம் தற்காலிகமானதுதான். நீண்ட காலக் கண்ணோட்டத்தில் பார்த்தால் குறுகிய வழியில் செல்பவர்களுக்கு முன்னேற்றம் குறைவாகத்தானுள்ளது. |
23. | சமூகத்தில் நிலவும் அபிப்பிராயங்களுக்கும், பண்புகளுக்கும் ஏற்றபடி ஒத்துப்போவது நல்லது. | சமூகப் பண்பாடுகளோடு ஒத்துப் போவதில் நாம் சமூகத்தோடு சுமுகமாக இருக்கலாம். ஆனால் ஏதேனும் புதியதாகச் சாதிக்க வேண்டும் என்று விரும்பினால் சமூகத்தோடு ஒத்துப் போகின்றவர்களால் அது முடியாது. அவ்வகையில் சமூகத்தோடு ஒத்துப் போவது முன்னோடிகளுக்கு நல்லதில்லை. |
24. | நமக்குக் கிடைக்கின்ற இயற்கை வளங்கள்தான் நம் முன்னேற்றத்தை நிர்ணயிக்கின்றன. | நமக்குள் இருக்கும் திறமைகள் இயற்கை வளங்களைவிட உயர்ந்தவை. இயற்கை வளங்களின் குறைபாட்டை மனித வளங்கள் ஈடு செய்யும். எவ்வளவு இயற்கை வளங்கள் இருந்தாலும், அவற்றைப் பயன்படுத்தும் திறமை இல்லாதபட்சத்தில் அவை வீணாகும். |
25. | நமக்கு வேண்டியவற்றை நாம் எவ்வளவு தீவிரமாகத் தேடுகிறோமோ அவ்வளவு வேகமாக அவை நமக்குக் கிடைக்கும். | பணத்தையோ, பதவியையோ, வாழ்க்கைத் துணையையோ நாம் தேடிப் போகவேண்டியதில்லை. நம்முடைய உள்மனோ பலம் உயர்ந்திருந்தால் மேற்சொன்னவைகள் தானே நம்மைத் தேடிவரும். உள்ளே தகுதியை வளர்த்துக்கொள்ளாமல் வெளியே இவற்றைத் தேடினால் நாம் எவ்வளவு தேடுகிறோமோ அந்த அளவிற்கு அவை விலகித்தான் போகும். |
26. | சிரமங்களும், நெருக்கடிகளும் தவிர்க்கப்பட வேண்டும். | சிரமத்தின் மூலம் வாழ்க்கை நமக்கு என்ன பாடத்தை வழங்குகிறதோ அந்தப் பாடத்தை நாம் கற்றுக் கொண்டால் சிரமமாக வந்தது வாய்ப்பாக மாறிவிடும். நெருக்கடிகள் வருவதன்மூலம் நம் முன்னேற்றம் விரைவுப்படுத்தப்படுகிறது என்பதும் உண்மை. |
27. | வரம்புக்குட்பட்டதும் வரம்பைக் கடந்ததும் இரண்டுமே நேர் எதிரானவை. வரம்பற்றது வேண்டுமென்றால் வரம்புக்குட்பட்டதை விட்டுவிட்டு வரம்பற்றதை நாட வேண்டும். | வரம்புக்குட்பட்டதையே நாம் சரியாகக் கையாண்டால் அதற்குள்ளிருந்தே வரம்பற்றது வெளிவரும். |
28. | சுறுசுறுப்பாக இருப்பவர்கள் சும்மா இருப்பவர்களைவிட அதிகம் சாதிக்கிறார்கள். | பிஸியாக இருப்பதால் சாதிக்கிறார்கள் என்று அர்த்தமில்லை. அர்த்தமில்லாத விஷயங்களை செய்துகொண்டுகூட ஒருவர் பிஸியாக இருக்கலாம். இப்படி அர்த்தம் இல்லாமல் ஓடியாடிக் கொண்டு இருப்பவரைவிட அமைதியாக ஓரிடத்தில் உட்கார்ந்து திட்டமிட்டபடி வேலை செய்பவர் அதிகமாகச் சாதிப்பார். |
29. | விஞ்ஞானிகள் எதையும் சரியாகப் புரிந்துகொள்வார்கள். அதாவது அவர்கள் செயல்பாடு அறிவுரீதியாக இருக்கும். | விஞ்ஞானிகள்கூட துறையில் பெயர் எடுத்தவர்கள் சொன்னால்தான் புதிய கருத்தை ஏற்றுக்கொள்வார்கள். பெயர் எடுக்காதவர் சொல்வது உண்மை என்றாலும் அவருக்கு அந்தஸ்து இல்லை என்று சொல்வதை ஏற்பதில்லை. இது அறிவுரீதியான செயல்பாடே இல்லை. |
30. | நமக்குப் பிடித்தவர்களை நாம் நல்லவர்கள் என்கிறோம். நமக்குப் பிடிக்காதவர்களை நாம் கெட்டவர்கள் என்கிறோம். | ஒருவர் நல்லவரா, கெட்டவரா என்பது நம் விருப்பு, வெறுப்பைப் பொறுத்ததில்லை. நல்லவர்கள் மேல் நாம் பிரியம் வைக்க கற்றுக்கொள்ள வேண்டுமே தவிர நமக்குப் பிடித்தவர்களை நல்லவர்கள் என்று பேசக்கூடாது. |
31. | நம்முடைய பகுத்தறிவுதான் நமக்குக் கிடைத்துள்ள மிகச்சிறந்த கருவி. | நம்முடைய பகுத்தறிவைவிட நமக்குள் இருக்கும் உள்ளெழுச்சித் திறன் பல மடங்கு உயர்ந்தது. |
32. | நாம் தேர்ந்தெடுக்கின்ற அரசியல் தலைவர்களுக்கு நாம் அடிபணிய வேண்டும். | மக்கள் தருகின்ற அதிகாரத்தால்தான் அரசியல்வாதிகள் தலை எடுக்கிறார்கள். ஆகவே மக்கள் அதிகாரத்திற்குத் தலைவர்கள்தான் கட்டுப்பட வேண்டும். |
33. | வெளிநாட்டிலிருந்து பெறப்படும் நிதி உதவி முன்னேற்றத்தை விரைவுபடுத்தும். | அப்படிக் கிடைக்கின்ற நிதிஉதவி சுய முயற்சியைக் கெடுப்பதால் அது முன்னேற்றத்தைத் தாமதப்படுத்தும். |
34. | முன்னேற்றம் படிப்படியாகத்தான் வரும். | அப்படி, படிப்படியாகத்தான் வருமென்று வாழ்க்கையில் விதிமுறை ஒன்றுமில்லை. போதுமான முயற்சியும், அருளின் ஆதரவும் இருந்தால் முன்னேற்றம் வேகமாகவும் பல மடங்கு அதிகமாகவும் வரும். |
35. | பணமும், அதிகாரமும் மக்களைக் கெடுக்கும். | பணமும், அதிகாரமும் இயற்கையிலேயே கெட்டவை இல்லை. மனிதனுடைய அகந்தைதான் இவற்றைத் தவறாகப் பயன்படுத்துகிறது. |
36. | சில சமூகத்தினரும், சில ஜாதியைச் சேர்ந்தவரும் இயற்கையிலேயே மற்றவரைவிட அறிவில் சிறந்தவர். அதனால்தான் அவர்கள் மற்ற சமூகத்தினரைவிட அதிகமாக முன்னேறி இருக்கிறார்கள். | அப்படி யாரும் இயற்கையில் உயர்ந்த அறிவு கொண்டவர்கள் இல்லை. முயற்சி எடுத்துதான் அறிவை வளர்க்க வேண்டும். பின்தங்கிய சமூகத்தினர் எவரும் இப்படி அறிவை வளர்த்துக்கொள்ள வேண்டிய போதுமான முயற்சி எடுத்தால் முன்னேறிய சமூகத்தினருக்கு இணையாக இவருடைய அறிவையும் வளர்த்துக்கொள்ளலாம். |
37. | நல்லவர்கள் வாழ்வில் முன்னேற வேண்டும். கெட்டவர்கள் சீரழிய வேண்டும். | வாழ்க்கை நியாய தர்மங்களுக்குக் கட்டுப்படாதது. ஆகையால் நன்னடத்தைக்கு எப்பொழுதுமே வெற்றி கிடைக்கும் என்பதில்லை. வலிமையும், திறமையும் உள்ளவர்கள் வாழ்க்கையில் வெற்றி பெறுகிறார்கள். வலிமையும், திறமையும் குறைந்தவர்கள் வாழ்க்கையில் தோல்வி பெறுகிறார்கள். |
38. | வாழ்க்கையில் வெற்றி கிடைத்துவிட்டது என்றால் அதை சமாளிப்பது சுலபம். | சிரமங்களைச் சமாளிப்பதைவிட வெற்றியை சமாளிப்பதுதான் கடினம். |
39. | வெற்றி கிடைத்தது என்றால் அதை நாம் கொண்டாட வேண்டும். | கொண்டாட்டங்களைக் குறைத்தோம் என்றால், நம்முடைய எனர்ஜி சேகரமாகி, நாம் மேலும் சாதிக்க உதவும். |
40. | நாம் பெறுவதன் மூலம் வளர முடியும். கொடுத்தால் நமக்குக் குறையும். வாழ்க்கை வரம்பிற்குட்பட்டதாக இருப்பதால் இம்மாதிரி நேரிடுகிறது. | வாழ்க்கை உண்மையில் வரம்பற்றது. வரம்பற்றதன் விதிமுறைகளின்படி பார்த்தால் நாம் எந்தளவிற்கு மற்றவர்களுக்குக் கொடுக்கிறோமோ அந்த அளவிற்கு நமக்கு வளர்ச்சி வரும். |
41. | நாத்திகவாதிகளும், மத நம்பிக்கை இல்லாதவர்களும் கடவுளைவிட்டு விலகி நிற்கிறார்கள். | உண்மையைத் தேடுகின்றபட்சத்தில் அவர்களும் ஆண்டவனுக்கு நெருக்கமாக இருப்பதாகத்தான் நாம் எடுத்துக்கொள்ள வேண்டும். |
42. | நம்முடைய சொந்தச் செயல்பாடுகளுக்கு மட்டும் தான் நாம் பொறுப்பு ஏற்க வேண்டும். இல்லாவிடில் நமக்கு அனாவசிய தொந்தரவு வரும். | தன்னைச் சுற்றியுள்ளவர்களின் வாழ்க்கைக்குப் பொறுப்பு ஏற்பவர்களுக்குத் தன்னை மட்டும் கருதுபவர்களைவிட மன விசாலம் அதிகமாக இருப்பதால் இப்படிப்பட்டவர்கள் வாழ்க்கையில் அதிகமாகச் சாதிப்பார்கள். |
43. | தமக்கு வரும் சிரமங்களிலிருந்து மக்கள் சரியான பாடங்களைக் கற்றுக் கொள்வதால் செய்த தவற்றை திரும்பச் செய்வதில்லை. | சிரமங்கள் வழங்கும் வாழ்க்கைப் பாடங்களைப் பலபேர் சரியாகக் கற்றுக் கொள்வதில்லை. ஆகவே செய்த தவற்றையே திரும்பவும் செய்கிறார்கள். |
44. | மனிதன் பகுத்தறிவோடு செயல்படுபவன். | மனிதனுக்குப் பகுத்தறிவு இருந்தாலும் அவன் பகுத்தறிவோடு செயல்படுவது இல்லை. பெரும்பாலானவர்கள் அவர்களுடைய உணர்ச்சிகளின் அடிப்படையில்தான் செயல்படுகிறார்களே தவிர அறிவுபூர்வமான செயல்பாடு என்பது இரண்டாம்பட்சம் ஆகும். |
45. | நம்முடைய பணத்தின் மதிப்புக் குறைவதால் பணவீக்கம் கெட்டதாகும். | பணவீக்கம் என்பது முன்னேற்றத்தினுடைய ஓர் அறிகுறியாகும். ஆகவே, இரண்டும் சேர்ந்துதான் வரும். ஆகவே ஒன்றில்லாமல் மற்றொன்று இல்லை. |
46. | வெற்றியும், தோல்வியும் நம்முடைய வாழ்க்கையில் மாறி மாறித்தான் வரும். | சாதிப்பதற்கான விதிமுறைகளை அறிந்தவர்களுக்குத் தொடர்ந்து இடையறாத வெற்றி சாத்தியம். |
47. | வாழ்க்கையில் முக்கிய விஷயங்களைக் கவனித்துக் கொண்டால் போதும். விவரமாக எல்லாவற்றையும் கவனித்துக்கொள்ள வேண்டிய அவசியமில்லை. | சிறு சிறு காரியங்களையும் நேர்த்தியாகச் செய்யும்பொழுதுதான் நமக்குப் பெரிய அளவில் வெற்றி கிடைக்கிறது. |
48. | நம்முடைய வாழ்க்கை நிலைக்கு ஏற்றவாறு நம்முடைய ஆசைகள் இருக்கவேண்டும். | வாழ்க்கையில் உயர வேண்டும் என்று நமக்கு வரும் ஆர்வத்திற்கு அளவில்லை. ஆர்வம் எந்த அளவிற்கு அதிகரிக்கிறதோ அந்த அளவிற்கு வாய்ப்பும் நம்மைத் தேடி வரும். |
49. | நம்முடைய வாழ்க்கை குறுகிய ஆயுள் காலத்தைக் கொண்டதால் வேகமாக வாழ்ந்து ஆசைகளை எல்லாம் அனுபவித்துக்கொள்ள வேண்டும். | வாழ்க்கையை வேகமாக வாழ்பவர்கள் சீக்கிரம் சோர்வு அடைந்துவிடுகிறார்கள் என்பதும் உண்மை. இறுதியில் பார்த்தால் நிதானமாக போகிறவர்களைவிட இவர்கள் குறைவாகத்தான் சாதித்திருப்பார்கள். |
50. | தனிப்பட்ட சொத்துரிமை பாதுகாக்கப்பட வேண்டியது. | உலகம் சத்தியஜீவியமான பிறகு தனியார் சொத்து மற்றும் பரம்பரைச் சொத்தும் மற்றும் வாரிசு உரிமை என்று இவையெல்லாம் இருக்கா. |
*****
ஸ்ரீ அரவிந்த சுடர் கீழிருந்து நாம் பணத்தை எட்டினால் அது அசுரன். மேலிருந்து அதை நாடினால் அது அன்னையின் சக்தி. பணம் அன்னை சக்தியாகும் அசுரன். |
******
- Login to post comments