07. அஜெண்டா

அஜெண்டா

P.300 Mother too takes medicines (Vol. V, 1964)

அன்னையும் மருந்து சாப்பிடுகிறார்கள்

• எந்தச் சட்டமும் எல்லா நேரமும் செல்லும் எனக் கூற முடியாது.
• மருந்தை நம்பக் கூடாது என்ற அன்னை மருந்து சாப்பிட வேண்டும் என்று கூறியுள்ளார்.
• சாப்பாடு அவசியம் என்றால் தொடர்ந்து சாப்பிட வேண்டும் என்று அர்த்தமல்ல. அது முடியாது, கூடாது. சாப்பாடு நேரத்திற்குத் தகுந்தாற்போல் மாறும். சாப்பாடும் அவசியம், தண்ணீரும் அவசியம்.
• எதற்கும் அளவுண்டு, நேரமுண்டு, காலம் உண்டு, சட்டம் உண்டு, விலக்குண்டு. ஒரே மாதிரியாகச் செயல்பட நினைப்பது அறிவுக்கு அனுபவமில்லை எனப் பொருள்.
• ஒரு ஐரோப்பிய பெண் ஆசிரமம் வந்தபின் மருந்து சாப்பிட மறுத்த பொழுது, அன்னை வற்புறுத்திச் சாப்பிடச் சொன்னார்.
• சட்டம் எதுவானாலும் நம் மனநிலைக்கு உகந்தவாறு அதை சட்டத்தின் திட்ட எல்லைக்குள் மாற்றி அமைப்பது முறை. அதை மறுப்பது சட்டத்தின் பெரும் பயனைத் தவறவிடுவதாகும்.
• தியானம் உயர்ந்தது. தபஸ்விகள் நாள்கணக்காகத் தியானத்தில் தங்களை இழந்தனர். பூரணயோகத்தில் தியானத்தைவிட சமர்ப்பணம் உயர்ந்தது. தானே நம்மைத் தேடிவரும் தியானம் நல்லது.
• நாமே முயன்று தியானம் வருகிறது என்பதால் வலிந்து மணிக்கணக்காகத் தியானத்தை மேற்கொண்டால் படபடப்பு வரும். தானே வரும் தியானம் தானே கலையும்.
• அகங்காரம் கூடாது. அறியாமை பாதிக்கும். அறியாமையின் வகைகள் பல.
  • பொருத்தமில்லாமல் பிறரைப் பார்த்து அவர் செய்வது போல் நாமும் செய்வது.
  • பகுதியான சட்டத்தை முழுமையாகப் பின்பற்றி விரயமாவது.
  • முழுமையான சட்டத்தைப் பகுதியாகப் பின்பற்றி பலனை இழப்பது.
  • முடியும் என்பதால் செய்துவிட்டுப் பலனைக் கண்டு அதிர்வது.
  • எவரும் கேட்கவில்லை என்பதால் அளவுக்கு மீறிச் செயல்படுவது.
  • தவற்றுக்குத் தண்டனை கொடுக்கவில்லையென்பதால் தொடர்ந்து செய்து அனைத்தையும் இழப்பது.
• நேரு பெரும் தலைவர், உலகத் தலைவர். 1936இல் அவர் சுயசரிதை இங்கிலாந்தில் அதிகபட்சம் விற்றது. தன் மகளுக்கு M.P. பதவியும் தராதவர். பெரும் தியாகி. மகாத்மாவின் பிரதம சீடர்.
• வாழ்நாள் முழுவதும் மகாத்மாவையும் அவர் அகிம்சையையும் பின்பற்றிப் பெருமைப்பட்டவர். சர்வதேச அரசியலில் அகிம்சையைப் பின்பற்ற வல்லரசுகளுடன் கூட்டுச் சேராத இயக்கத்தை ஆரம்பித்து உலகப் பாராட்டைப் பெற்றார்.
• சீனாக்காரர்களை அக்கொள்கை நம்ப வைத்தது. சீனர்கள் துரோகம் செய்தார்கள். 1962இல் சீனா தாக்கியது. 1964இல் நேரு காலமானார்.
• செய்வது சரியானாலும், நோக்கம் உயர்ந்ததானாலும், இடம், பொருள், ஏவல் அறிந்து நடக்க அறிவு போதாது, அனுபவமும் போதாது, அனுபவ அறிவு தேவை.
• தவறு எனப் புரிந்த பிறகும் மாற மறுப்பவரும் உண்டு.
• அன்னையும் மருந்து சாப்பிடுகிறார் என்பது இந்தச் சட்ட நுணுக்கங்களை எடுத்துக் காட்டுகிறது.
• இதுபோன்ற விஷயங்களை அன்னை வலியுறுத்துகிறார்.

*******