10. லைப் டிவைன் - கருத்து

லைப் டிவைன் - கருத்து

Page 40 To be perfect as He is perfect is the condition of this integral attainment

            இறைவன் எவ்வளவு சிறப்பாக இருக்கிறானோ அவ்வளவு

            சிறப்பாக இருப்பதே நிபந்தனை

• நம்மால் இறைவனை ஏற்க முடியும், அவன் சிருஷ்டியை ஏற்க முடியாது.
• ஆடு பகை, குட்டி உறவா என்பது பழமொழி. ஆடு உறவு, குட்டி பகை சரியாகுமா?
• சிருஷ்டி இறைவனுடையது. ஏன் நம்மால் சிருஷ்டியை ஏற்க முடிவதில்லை.
• சஞ்சீவ ரெட்டி தூய்மையான காந்தியவாதி.
• காந்தீயவாதத்தால் ஜனாதிபதி தேர்தலை இழந்தார்.
• காந்தீயவாதத்தின் தூய்மையால் பத்து ஆண்டு கழித்து போட்டியின்றி ஏகமனதாக ஜனாதிபதியாகத் தேர்ந்தெடுக்கப்பட்டார்.
• கவர்னர் ஷா மீனும், சிகரெட்டும் தரவில்லையென வேலை நீக்கம் செய்யப்பட்டார்.
• சஞ்சீவ ரெட்டி காந்தீயவாதியெனினும் மீன் சாப்பிடுவார், சிகரெட் பிடிப்பார்.
• இது மனித சுபாவம்.
• ஷா காந்தீயவாதி, மீன் சாப்பிடமாட்டார், புகை பிடிக்கமாட்டார்.
• காந்தீயவாதியான கவர்னர் காந்தீயவாதியான ரெட்டிக்கு மீன் தரவில்லை.
• காந்தி மன்னிக்காத குற்றமில்லை, கோட்ஸேயை மன்னித்தார். தன்னைச் சுட்டவனையே மன்னிப்பது காந்தீயவாதம்.
• ரெட்டியால் சிகரெட் இல்லையென்றதால் ஷாவை மன்னிக்க முடியவில்லை.
• கவர்னர் பதவி நீக்கம் செய்யப்பட்டார். மன்னிக்க முடியாத குற்றம்.
• காந்திஜீயைப் பின்பற்றினாலும் அவர் கொள்கைகளைப் பின்பற்ற முடிவதில்லை.
• காந்தீஜியின் காங்கிரஸ் தலைவர்கள் பெரும்பணம் வைத்திருக்கிறார்கள்.
• பாம்பு இறைவனால் சிருஷ்டிக்கப்பட்டது. நாம் அதை அடித்துக் கொல்கிறோம்.
• மாமியார் தான் பார்த்து அழைத்து வந்த மருமகளை ஏற்க முடியவில்லை.
• "எந்த மடையன் உனக்கு வேலை கொடுத்தான்'' என்று தான் நியமித்த பியூனை மிரட்டிய ஆபீஸர், "ஐயாதான்'' என்ற பதிலை எதிர்பார்க்கவில்லை.
• அறிவற்ற காரியத்தை விரும்பி அறிவின் பெயரால் செய்வது அறிவுடைமையாகுமா?
• அதுவே மனித சுபாவம்.
• உலகம் இறைவனால் சிருஷ்டிக்கப்பட்டது. சர்வம் பிரம்மம்.
• அதனால் நாம் எதையும் வெறுக்கக்கூடாது என்பது ஞானம்.
• மனிதன் இன்று ஒன்று செய்வான்.
• நாளைக்கு அதை மறுப்பான்.
• சுபாவம் தன்னை அறியாது.
• தன்னை அறிவது ஞானம்.
• பக்தி என்பது தன்னை அறியும் மனநிலை.
• இது இறைவனை ஏற்பதாகும்.

*******

******